2 3 4 5

Fyrirspurnir sem hafa borist NKG

1. Eru takmörk fyrir því hversu margar hugmyndir hver og einn má senda inn?
Svar: Nei, senda má eins margar hugmyndir og hver og einn vill en reynslan sýnir að þeir sem senda færri en betur útfærðar umsóknir eiga meiri möguleika.

2. Mega tveir árgangar vinna saman ?
Svar: Já, á meðan það eru nemendur í 5., 6., og/eða 7. bekk.

3. Hvers vegna mega bara nemendur í 5., 6., og 7. bekk taka þátt?
Svar: Sem stendur geta einungis nemendur í 5. – 7. bekk tekið þátt en stefnt er að því að keppnin verði fyrir 5. – 10. bekk frá og með 2018.

4. Til hvers er horft í matsferli keppninnar?
Svar: Hlutlausir fulltrúar fara yfir hugmyndir í þremur ferlum:
Matsferli I, viðmiðun er raunsæi og nýsköpun. Eru umsóknir læsilegar og skiljanlegar. Er hugmyndin nýsköpun?
Matsferli II, viðmiðun er hagnýti og nýnæmi, er hugmyndin uppfinning? Eitthvað alveg nýtt eða er hugmyndin útlits- og formhönnun á einhverju sem þegar er til í endurbættri útgáfu?
Matsferli III, er hugmyndin markaðshæf, en alltaf með nýnæmi í huga.

5. Er algengt að kennarar skili inn umsóknum fyrir nemendur sína ?
Svar: Um það bil 98% umsókna koma frá skólum/kennurum bekkja sem hafa innleitt Nýsköpunarmennt. Kennarar safna saman umsóknum yfir veturinn og senda inn fyrir 12. apríl ár hvert.  Sendar verða ítrekanir á skrifstofur skóla um það leiti sem umsóknarfrestur rennur út til að minna skilafrestinn.

6. Ef til þess kæmi að nemandi yrði valinn, er einhver ferðastyrkur?
Svar: 
http://nkg.is/nemendur/ferdastyrkur Ferðastyrkur býðst þátttakendum af landsbyggðinni. Tilgangur hans er að koma til móts við aðgengi þátttakenda að viðburðum keppninnar sem fara fram í Reykjavík. Umsókn um ferðastyrk sendist til: nkg@nkg.is – merkt NKG ferðastyrkur. Styrkurinn miðast við ákveðna vegalengd frá búsetu þátttakenda til Reykjavíkur

7. Eiga nemendur eingöngu að senda þær hugmyndir sem eru framkvæmanlegar á tíma smiðjunnar ef til þess kæmi ?
Svar:  Ekki er ætlast til að þátttakendur hafi þekkingu til að útfæra hugmynd sína í frumgerð. Leiðbeinendur styðja þátttakendur eins langt og mögulegt er í vel útbúinni vinnusmiðju sem fer í gegnum ferlið að færa hugmyndir í það form sem lýsir þeim best.

8. Hvenær rennur umsóknarfrestur keppninnar út ?
Svar: Umsóknarfrestur rennur út 12. apríl ár hvert.

9. Hvenær fara viðburðir keppninnar fram ?
Svar: Í maí á hverju ári.

10. Hvert á að senda skriflegar umsóknir ?
Svar:

Umsókn – Nýsköpunarkeppni grunnskólanna
Nýsköpunarmiðstöð Íslands
Árleynir 2-8, 112 Reykjavík

Deila á ....Share on FacebookTweet about this on TwitterShare on LinkedIn