Hér eru listaðir upp nokkrir aðilar sem tengjast menntun og nýsköpunar- og frumkvöðlamennt en einnig aðilar sem tengjast íslenska frumkvöðlaumhverfinu, yfirlit styrkja ofl:

FabLab – stafræn smiðja hugmynda

Fab Lab er stytting á enska heitinu ,,fabrication laboratory” og er stundum kölluð stafræn smiðja á íslensku. Markmið með smiðjunum er að hvetja einstaklinga og frumkvöðla til að láta hugmyndir sínar verða að veruleika, skapa tækifæri til vinnu við frumgerðasmíð og vöruþróun með því að bjóða upp á aðgang að stafrænum framleiðslutækjum og búnaði af ýmsum toga…

Búnaðarbanki skóla- og frístundasviðs Reykjavíkur

Búnaðarbankinn býður starfsfólki Skóla- og frístundasviðs Reykjavíkurborgar upp á tveggja vikna útlán, án endurgjalds, á fjölbreyttum náms- og kennslugögnum. Starfsfólki á öllum stigum skólastarf sem og frístundastarfi SFS stendur til boða að skrá sig inn, panta þau gögn sem þeim líst á og sækja svo í Búnaðarbankann

Verkfærakista Menntastefnu Reykjavíkurborgar

Hér eru mörg hundruð verkfæri – Fræðilegt, Ítarefni, Kveikjur, Myndbönd, Vefsvæði, Verkefni ofl. ofl

MIXTÚRA

Mixtúra er sköpunar- og upplýsingatækniver Skóla- og frístundasviðs Reykjavíkurborgar. Þar er einnig starfrækt snillismiðja og fullbúið ljósmyndastúdíó. Búnaðarbanki SFS er til húsa í Mixtúru en þar býðst starfsfólki SFS fjölbreytt náms- og kennslugögn án endurgjalds.

Innoent.

Innoent. INNOENT á Íslandi hvetur ungt fólk til að koma eigin hugviti í framkvæmd með það að markmiði að efla sjálfbært skapandi samfélag. Aðalstarfsemi er í kringum Uppfinningaskólann ásamt námskeiðum fyrir kennara og aðra þá sem hafa áhuga á nýsköpunar- og frumkvöðlamennt.

Kennarinn.is

Kennarinn.is. Á vef Kennarans má finna margvíslegar upplýsingar er tengjast menntun á Íslandi, frá fyrstu skrefum barns hjá dagforeldrum til útskriftar á háskólastigi. Vefurinn er hugsaður fagaðilum, forsjáraðilum og nemendunum sjálfum til handagagns:

Samsýning framhaldsskólanna

Á heimsíðu Samsýningar framhaldsskólanna má finna mikið af gagnlegu náms- og stuðningsefni, yfirlit helstu stuðningsaðila, hraðla og styrkja í íslenska frumkvöðlaumhverfinu, ásamt náms- og stuðningaefni á ensku. Þó heimasíðan sé aðallega hugsuð fyrir framhaldsskólastigið og frumkvöðla sem eru að stíga sín fyrstu skref, hentar hún vel fyrir grunnskólakennara sem vilja fræðast betur um umhverfið ofl…

Fræðslugátt Menntamálstofnunar

Fræðslugáttin inniheldur námsefni og bjargir til stuðnings við heimanám

Ýmsar spurningar og svör sem tengist skólum

Af vef mennta- og menningarmálaráðuneytis. Ýmsar spurningar – og svör – um allt milli himins og jarðar sem tengist skólum og frístundastarfi

Nýheimar þekkingarsetur

Nýheimar þekkingarsetur er samstarfshattur ólíkra stofnana sem starfa á sviði menntunar, menningar, nýsköpunar og rannsókna á Suðausturlandi.

Klifið – Skapandi Fræðslusetur

Klifið – Skapandi Fræðslusetur. Hlutverk Klifsins er að efla og hvetja einstaklinga til að tileinka sér skapandi hugsun og trú á eigin getu og þannig þróa með sér hæfni til þess að mæta þörfum framtíðarinnar.