Verndari Nýsköpunarkeppni grunnskólanna er forseti lýðveldisins, Halla Tómasdóttir.

Forseti Íslands hefur samþykkt að taka að sér þetta mikilvæga hlutverk og heldur þar með áfram þeirri merku hefð að forseti lýðveldisins styðji keppnina með þessum hætti. Fyrri forsetar Íslands, Guðni Th. Jóhannesson og Ólafur Ragnar Grímsson, gegndu þessu hlutverki með miklum sóma. Þökkum við kærlega fyrir þann ómetanlega stuðning.

Forsetinn gegnir lykilhlutverki í verðlaunaafhendingu keppninnar ár hvert, þar sem hún flytur hátíðarræðu og veitir þátttakendum innblástur til góðra verka og skapandi hugsunar. Þá undirritar forsetinn og afhendir verðlaunaskjöl og verðlaun NKG og lýkur formlegri dagskrá með opnun á sýningu þátttakenda í vinnusmiðju NKG.