Lokahóf
Frábær dagur að baki. Afhending verðlauna fóru fram í lokahófi Nýsköpunarkeppni grunnskólanemenda í dag en keppnin var nú haldin í 21. sinn. Athöfnin fór fram í Sólinni, í Háskólanum í Reykjavík, sem er einn af bakhjörlum keppninnar. Átján þátttakendur fengu verðlaun fyrir hugmyndir sínar af þeim 53 þátttakendum sem tóku þátt í úrslitum. Í ár bárust 2906 hugmyndir frá 44 grunnskólum víða um land sem kenna á miðstigi.
Forseti Íslands, hr. Ólafur Ragnar Grímsson verndari keppninnar, afhenti verðlaunin og flutti hátíðarræðu. Illugi Gunnarsson, mennta- og menningarmálaráðherra flutti hvatningarræðu, afhenti viðurkenningarskjöl til þátttakenda og farandbikar til grunnskóla. Þá kynntu þátttakendur sjálfir hugmyndir sínar fyrir gestum.
Farandbikar til nýsköpunarskóla ársins í flokki minni og stærri skóla
Farandbikarinn í flokki stærri skóla fyrir hlutfallslega flestar hugmyndir í keppninni hlaut Hofsstaðaskóli í Garðabæ. Var þetta fimmta árið í röð sem Hofsstaðaskóli hlýtur bikarinn.
Farandbikarinn í flokki minni skóla fyrir hlutfallslega flestar hugmyndir í keppninni hlaut Brúarásskóli á Fljótdalshéraði annað árið í röð
Guðrúnarbikarinn
Anna Hulda Ólafsdóttir afhenti bikarinn til minningar um móður sína Guðrúnu Þórsdóttir.
Tristan Snær Björnsson og Reynir Aron Magnússon úr Laugarnesskóla voru með hugmynd sem heitir „Video School“ sem kynnir upphaf grunnskóla fyrir leikskólakrökkum.
Tæknibikar Pauls Jóhannssonar
Tæknibikar Pauls Jóhannssonar var afhentur í fyrsta sinn, Paul Jóhannsson er frumkvöðull NKG og stofnaði keppnina fyrir 21 ári. Hann Varði lungan af ævi sinni í eflingu nýsköpunarmenntar á Íslandi. Tæknibar Pauls Jóhannssonar var veittur til Atla Gauta Ákason, en hugmynd hans „Hangbekkur“ var tæknileg lausn á vandamálum siglingamanna sem vilja æfa jafnvægi á skútu án þess að vera staddur í opnu hafi.
Verðlaunahafar NKG2013
Nafn | Flokkur | Nafn á hugmynd | Skóli | Sæti |
Helena Ýr Marinósdóttir | Uppfinning | Tumanál | Hofsstaðaskóli | 1 |
Sylvía Sara Ágústsdóttir | Uppfinning | Tumanál | Hofsstaðaskóli | 1 |
Guðbjörg Marín Guðmundsdóttir | Uppfinning | Rúllubreiðarinn | Hólabrekkuskóli | 2 |
Guðrún Helga Darradóttir | Uppfinning | Rúllubreiðarinn | Hólabrekkuskóli | 2 |
Friðþóra Sigurjónsdóttir | Uppfinning | Sundlaugarljós | Hofsstaðaskóli | 3 |
Bjarkey Rúna Jóhannsdóttir | Útlits- og formhönnun | Sæng í sængurveri | Hólabrekkuskóli | 1 |
Kristmundur Orri Magnússon | Útlits- og formhönnun | Sleipsokkur | Hofsstaðaskóli | 2 |
Leifur Skarphéðinn Snorri Árnason | Útlits- og formhönnun | Sleipsokkur | Hofsstaðaskóli | 2 |
Ísabella Halldórsdóttir | Útlits- og formhönnun | Vöggukjóll | Hofsstaðaskóli | 3 |
Kristina Atanasova Atanasova | Útlits- og formhönnun | Vöggukjóll | Hofsstaðaskóli | 3 |
Sandra María Sævarsdóttir | Landbúnaður | Kindaleitari | Hofsstaðaskóli | 1 |
Kristrún María Gunnarsdóttir | Landbúnaður | Smjörstifti | Háaleitisskóli-Hvassaleiti | 2 |
Ragnheiður Þorsteinsdóttir | Landbúnaður | Bændahjálp | Egilsstaðaskóli | 3 |
Margrét María Ágústsdóttir | Landbúnaður | Bændahjálp | Egilsstaðaskóli | 3 |
Elva Dögg Ingvarsdóttir | Landbúnaður | Bændahjálp | Egilsstaðaskóli | 3 |
Almar Aðalsteinsson | Tölvur- og tölvuleikir | Vikingar á ferð og flugi | Egilsstaðaskóli | 1 |
Máney Guðmundsdóttir | Tölvur- og tölvuleikir | Ofnæmisvarnarkerfi | Hólabrekkuskóli | 2 |
Helga María Magnúsdóttir | Tölvur- og tölvuleikir | GPS tæki bílastæði | Hofsstaðaskóli | 3 |